बातमीलेखन : खालील विषयावर बातमी तयार करा.दि. 5 जून – पर्यावरण दिनानिमित्त ‘प्रगती विद्यालय’, मोरगाव येथे मा. मुख्याध्यापक यांचे हस्ते वृक्षारोपण कार्यक्रम संपन्न.

प्रगती विद्यालयात पर्यावरण दिनी वृक्षारोपणाचा उपक्रम

मोरगाव, दि. 5 जून (वार्ताहर) : येथील प्रगती विद्यालयात जागतिक पर्यावरण दिनानिमित्त वृक्षारोपण कार्यक्रम मोठ्या उत्साहात संपन्न झाला. मा. मुख्याध्यापक यांच्या हस्ते वृक्षारोपण करून कार्यक्रमाची सुरुवात झाली.

यावेळी विद्यार्थ्यांनी शाळेच्या परिसरात 200 देशी रोपे लावली व प्रत्येक रोपाचे पालकत्व स्वीकारले. ‘एक विद्यार्थी – एक झाड’ हा उपक्रम सर्वांचे आकर्षण ठरला. मुख्याध्यापकांनी ‘वृक्ष हे जीवनाचे रक्षण करणारे मित्र आहेत; प्रत्येकाने वर्षातून एक तरी झाड लावावे,’ असे आवाहन केले. शिक्षक, पालक व विद्यार्थी मोठ्या संख्येने उपस्थित होते.