1. (अ) उताऱ्याच्या आधारे सूचनेनुसार कृती करा : (7 गुण)(1) खालील आकृती पूर्ण करा : (2)अरुणिमाला अमान्य असणाऱ्या गोष्टी → [ ] , [ ] , [ ] , [ ]आता मी उतरू लागले होते. जेमतेम 40-50 पावलांवरच माझा ऑक्सिजन साठा संपला.... एक सांगू ? लक, भाग्य, किस्मत, डेस्…
1. (अ) उताऱ्याच्या आधारे सूचनेनुसार कृती करा : (7 गुण)
(1) खालील आकृती पूर्ण करा : (2)
अरुणिमाला अमान्य असणाऱ्या गोष्टी → [ ] , [ ] , [ ] , [ ]
आता मी उतरू लागले होते. जेमतेम 40-50 पावलांवरच माझा ऑक्सिजन साठा संपला.... एक सांगू ? लक, भाग्य, किस्मत, डेस्टिनी अश्या भाकड शब्दांना मी नाही मानत; पण Fortune favours the braves यावर माझा पूर्ण विश्वास आहे..... जेव्हा मी गुदमरू लागले, श्वास घेण्याचा प्रयत्न करू लागले, अगदी त्याच वेळी एका ब्रिटिश माणसाने ओझे होते म्हणून फेकून दिलेला जास्तीचा एक ऑक्सिजन सिलिंडर आम्हाला दिलसा. माझ्या शेरपाने तो चटकन मला अडकवला. सावकाश आम्ही त्या ‘डेथ झोन’मधून सहीसलामत खाली उतरलो. वर चढण्यापेक्षा खाली उतरताना होणाऱ्या मृत्यूचे प्रमाण जास्त आहे.... आणि आम्ही ते ओलांडून आलो होतो. ‘माझा दिवस’ अखेर आला होता.... गिर्यारोहकांच्या चढाईच्या टप्प्यातले एक महत्त्वाचे शिखर ‘एव्हरेस्ट’ मी सर केले होते!
गिर्यारोहणाने मला खूप महत्त्वाचे काही धडे दिले. माझ्यात आत्मविश्वास जागवला. नेतृत्व, गटबांधणी यांचे धडे तर मिळालेच; पण एक पोलादी कणखरपणा माझ्यात निर्माण केला. मित्रांनो, आपण आयुष्यात काय मिळवतो हे महत्त्वाचं नाही, तर ही कमाई आपल्याला अधिक चांगली व्यक्ती कशी बनवते, हे महत्त्वाचं वाटतं मला. आपण इतरांशी कसे वागतो यावरून आपण एक उत्तम व्यक्ती आहोत की नाहीत हे ठरतं.
(2) खालील चौकटी पूर्ण करा : (2)
गिर्यारोहणाने अरुणिमाला मिळालेले धडे → [ ] , [ ] , [ ] , [ ]
(3) स्वमत : (3)
‘कर्तृत्ववान माणूस नशिबावर अवलंबून राहत नाही’ याविषयी तुमचे मत लिहा.