(नमुना उत्तर)
(औपचारिक पत्र – व्यवस्थापकांना पुस्तकांची मागणी)
दिनांक : 20 डिसेंबर 2025
प्रति,
मा. व्यवस्थापक,
ज्ञानसागर पुस्तकालय,
104, प्रगतीनगर, नाशिक.
ई-मेल : dnyansagar4@gmail.com
विषय : शाळेच्या ग्रंथालयासाठी पुस्तकांची मागणी करण्याबाबत.
महोदय,
आपल्या पुस्तकालयाच्या वर्धापन दिनानिमित्त दि. 21 डिसेंबर ते 27 डिसेंबर या कालावधीत कोणत्याही पुस्तकावर 25% विशेष सवलत देण्यात आल्याचे निवेदन वाचले. आमच्या शाळेच्या ग्रंथालयासाठी या संधीचा लाभ घेण्याची इच्छा आहे.
आम्हाला इयत्ता आठवी ते दहावीसाठी उपयुक्त अशी ज्ञानेश्वरी-वाङ्मय, विज्ञान, इतिहास, चरित्रे, कादंबऱ्या, कवितासंग्रह व स्पर्धा परीक्षांची पुस्तके हवी आहेत. कृपया या पुस्तकांची उपलब्धता, त्यांची यादी व सवलतीनंतरचे दर कळवावेत. एकूण 50 पुस्तकांची मागणी असून त्यांचे बिल शाळेच्या नावाने करावे.
पुस्तके आम्ही स्वतः येऊन घेऊ; किंवा शाळेच्या पत्त्यावर पाठविण्याची सोय असल्यास तीही कळवावी. या बाबतीत लवकर उत्तर देऊन सहकार्य केल्यास आभारी राहीन.
आपला नम्र,
भाग्येश शिंदे
विद्यार्थी प्रतिनिधी,
सरस्वती विद्यालय, गंगापूर रोड, नाशिक.
ई-मेल : bhagyeshshinde.sv@gmail.com
(पत्र भाग्यश्री शिंदे लिहीत असल्यास ‘आपली नम्र, भाग्यश्री शिंदे’ असे लिहावे.)
किंवा
(औपचारिक पत्र – सवलत योजनेबद्दल अभिनंदन)
दिनांक : 28 डिसेंबर 2025
प्रति,
मा. व्यवस्थापक,
ज्ञानसागर पुस्तकालय,
104, प्रगतीनगर, नाशिक.
ई-मेल : dnyansagar4@gmail.com
विषय : वर्धापन दिनानिमित्त पुस्तकांवर विशेष सवलत योजना राबवल्याबद्दल अभिनंदन.
महोदय,
आपल्या पुस्तकालयाने वर्धापन दिनानिमित्त दि. 21 ते 27 डिसेंबर या कालावधीत कोणत्याही पुस्तकावर 25% विशेष सवलत देऊन वाचनसंस्कृती वाढविण्याचा जो उपक्रम राबवला, त्याबद्दल मनःपूर्वक अभिनंदन!
या योजनेमुळे आमच्या शाळेतील अनेक विद्यार्थ्यांना आवडतीची पुस्तके वाजवी दरात घेता आली. गरिबीमुळे पुस्तके खरेदी करू न शकणाऱ्या विद्यार्थ्यांच्याही चेहऱ्यावर आनंद झळकला. सकाळी 9 ते रात्री 8 अशी लवचिक वेळ, सर्व पुस्तकांची उपलब्धता आणि कर्मचाऱ्यांचे आपुलकीचे वर्तन यामुळे सर्वांचेच कौतुक झाले.
अशा उपक्रमांमुळे पुस्तकांची गोडी वाढते व समाजात ज्ञानाचा प्रसार होतो. यापुढेही असे उपक्रम राबवावेत, ही नम्र विनंती. आपल्या पुढील कार्यास शुभेच्छा.
आपला नम्र,
भाग्येश शिंदे
विद्यार्थी प्रतिनिधी,
सरस्वती विद्यालय, गंगापूर रोड, नाशिक.
ई-मेल : bhagyeshshinde.sv@gmail.com
(पत्र भाग्यश्री शिंदे लिहीत असल्यास ‘आपली नम्र, भाग्यश्री शिंदे’ असे लिहावे.)
