शन्नो अब्दुलवर नेहमी चिडते, तपोवनात जाण्याला विरोध करते आणि दुसरा धंदा करायला सांगते. वरवर पाहता ती कठोर वाटते; पण तिच्या वागण्यामागे संसाराची काळजी आहे. घरची परिस्थिती बेताची आहे, अब्दुलचा स्वेटरही उसवलेला आहे, मुलगा खिम्यासाठी हट्ट करतो पण तो पुरवता येत नाही.
सणाच्या दिवशी दुकान बंद राहिले तर उत्पन्न बुडते आणि लोकांना कळले तर धंद्यावर परिणाम होईल, असे तिला वाटते. म्हणजे ती स्वार्थी नसून व्यवहारी आहे; कुटुंबाचे भले व्हावे, मुलाच्या गरजा भागाव्यात हाच तिचा विचार असावा, असे मला वाटते.