स्वमत.(आ) तुम्हांला आवडलेल्या कोणत्याही एका साहित्यप्रकाराची वैशिष्ट्ये तुमच्या शब्दांत लिहा.

मला ‘कादंबरी’ हा साहित्यप्रकार सर्वाधिक आवडतो. कादंबरी म्हणजे मोठी कथाच; पण तिचा आवाका कथेपेक्षा खूप मोठा असतो. तिच्यात अनेक पात्रे असतात आणि त्यांचे परस्परसंबंध असतात. विविध घटना-प्रसंगांतून कथानक हळूहळू उलगडत जाते. वाचता वाचता पात्रे आपल्या ओळखीची, आपल्यातलीच वाटू लागतात. अनपेक्षित वळणे घेत कादंबरी वाचकाची उत्कंठा वाढवते, त्यामुळे ‘पुढे काय होईल?’ या विचाराने वाचक तिच्यात रममाण होतो. वि. स. खांडेकरांच्या ‘ययाति’ या कादंबरीला ज्ञानपीठ पुरस्कार मिळाला, हे कादंबरीचे सामर्थ्य दाखवते.