स्वमत.(इ) ‘उत्तम लेखक होण्यासाठी उत्तम वाचक होणे आवश्यक असते’, याबाबत तुमचे विचार स्पष्ट करा.

लेखन ही वाचनातून घडणारी कला आहे. आपण जितके जास्त आणि चांगले वाचतो, तितकी आपली शब्दसंपत्ती वाढते, भाषेवर प्रभुत्व येते. विविध साहित्यप्रकार वाचल्याने कथा कशी सुरू करावी, शेवट परिणामकारक कसा करावा, कवितेत मोजक्या शब्दांत आशय कसा मांडावा, नाटकातील संवाद चुरचुरीत कसे असावेत, हे आपोआप समजते. वाचनामुळे जीवनानुभव समृद्ध होतो आणि विचारांना खोली येते. मोठ्या लेखकांची शैली, निवेदनतंत्र यांचा अभ्यास करून आपण आपली स्वतंत्र शैली घडवू शकतो. म्हणूनच उत्तम लेखक होण्यासाठी आधी उत्तम, चौफेर वाचक व्हावे लागते, हे विधान अगदी योग्य आहे.