स्वमत.(आ) वाघीण आणि तिच्या पिल्लांची भेट हा प्रसंग शब्दबद्ध करा.

नाल्याच्या पलीकडून ‘ऑऽ वऽऽ’ असा वाघिणीचा बारीक आवाज आला आणि क्षणात जांभळीच्या झाडीत लपून बसलेले एक पिल्लू धपकन पाण्यात उडी मारून बाहेर आले. पाठोपाठ उरलेली तीनही पिल्ले धपाधप पाण्यात उतरली. आईचा आश्वासक आवाज ऐकून त्यांच्या उत्साहाला उधाण आले होते. थोड्याच वेळात विरळ बांबूंमधून वाघीण आली आणि थकून पाण्यात बसली. पिल्ले तिच्याभोवती दंगामस्ती करू लागली; एकाने तर तिच्या पाठीवरच उडी घेतली आणि घसरून पाण्यात पडले. वाघिणीने मंद गुरगुरून नापसंती दाखवली, पण पिल्लांना त्याची पर्वा नव्हती. ती एकमेकांचा पाठलाग करत, पाण्यात उड्या घेत खेळत होती आणि आई मध्येच एखाद्या पिल्लाला मायेने चाटत होती. हा प्रसंग आई आणि मुलांच्या प्रेमळ भेटीसारखाच हृदयस्पर्शी होता.