स्वमत.(इ) डायरी लिहिणे हा छंद प्रत्येकाने जोपासावा, याविषयी तुमचे मत लिहा.

डायरी लिहिणे हा अतिशय उपयुक्त छंद आहे. दिवसभरात घडलेल्या घटना, अनुभव, मनातील भावना डायरीत लिहिल्याने त्या कायमस्वरूपी जपल्या जातात. लेखकाने ‘जंगल डायरी’त तारीख, वेळ, ठिकाण नोंदवून अनुभव लिहिला, त्यामुळे तो प्रसंग आजही जसाच्या तसा वाचकांसमोर उभा राहतो. डायरी लिहिल्याने निरीक्षणशक्ती वाढते, लेखनाचा सराव होतो आणि भाषा समृद्ध होते. आपल्या चुका, यश यांचा आढावा घेता येतो, त्यामुळे आत्मपरीक्षणाची सवय लागते. मन मोकळे करण्याचे ते एक हक्काचे साधन आहे. म्हणून प्रत्येकाने डायरी लिहिण्याचा छंद जोपासावा, असे मला वाटते.