‘थोड्याशा पाण्यावर कसे वाढावे याचा नमुना म्हणजे कॅक्टस!’ या विधानाची यथार्थता लिहा.

कॅक्टस ही अवर्षणाचा प्रतिकार करणारी वनस्पती आहे. तिची सगळी अंगरचना पाणी साठवण्यासाठी असते.

• कॅक्टस चेंडूच्या किंवा खांबाच्या आकाराचे असतात; अंगाचा कमीत कमी भाग कोरड्या हवेला उघडा राहील अशी त्यांची धडपड असते.
• बहुतेक कॅक्टस घडीदार असतात. घड्यांमुळे आतला भाग गरम हवेपासून सुरक्षित राहतो आणि घड्या पन्हाळीसारख्या काम करून पावसाचे पाणी थेट मुळांपर्यंत पोहोचवतात.
• पानांतून बाष्पीभवनाने पाणी जाते म्हणून कॅक्टसने पाने वर्ज्यच केली आहेत; रोप लहान असताना येणारी दोन-चार पानेच.
• रसदार गरावर प्राण्यांच्या धाडी पडू नयेत म्हणून अंगावर धारदार बोचरे काटे असतात.
• मुळांची रचना अशी असते, की थोड्या वेळात पुष्कळ पाणी शोषता येते; मुळे लांबवर (सगवारोची ५० फुटांपर्यंत) पसरून आजूबाजूच्या जास्तीत जास्त क्षेत्रातील पाणी शोषतात.

अशा प्रकारे मिळेल तेवढे पाणी साठवून कोरड्या काळात कॅक्टस जगतो, म्हणून तो थोड्याशा पाण्यावर कसे वाढावे याचा उत्तम नमुना आहे.