स्वमत.(अ) लेखकाच्या वडिलांची शिस्त जाणवणारे प्रसंग पाठाच्या आधारे तुमच्या शब्दांत लिहा.

लेखकाचे वडील अभ्यास व शाळा यांबाबतीत फारच कडक होते. एकदा लेखक शाळा चुकवून ग्राऊंडवर क्रिकेटचा एक मित्रत्वाचा सामना पाहत बसला होता. वडिलांनी त्याला पाहिले आणि संतापाने छड्या मारत शाळेत नेऊन बसवले. त्या क्षणापासून लेखकाने कधीच शाळा चुकवली नाही. तसेच मुलाने चांगले शिकावे, मोठा ऑफिसर व्हावे म्हणून बदली झाल्यावरही त्यांनी मन घट्ट करून मुलांना शिक्षणासाठी पुण्यात काकांकडे ठेवले. वडील खेळाला प्रोत्साहन देत, पण शिक्षणाकडे दुर्लक्ष त्यांना मुळीच सहन होत नसे, यावरून त्यांची शिस्त जाणवते.