स्वमत.(इ) तुमच्या मते लेखकाच्या मनात पेरले गेलेले क्रिकेटचे बीज कसे उगवले ते लिहा.

मनात रुजलेल्या बीजाला लेखकाने जिद्दीचे, मेहनतीचे खतपाणी घातले. शाळा सुटताच तो ग्राऊंडवर हजर होई; मिळेल तेव्हा गोलंदाजी करे, लांब उडालेले चेंडू अडवून फेकत असे, ग्राऊंड्समनला मदत करे. वडिलांनी सहा रुपयांची जुनी बॅट घेऊन देऊन त्याला प्रोत्साहन दिले. या सरावाचे फळ म्हणजे त्याने आंतरशालेय सामन्यात १०० धावा केल्या. त्याचे नाव शाळेच्या बोर्डावर झळकले आणि शिक्षक-विद्यार्थ्यांनी कौतुक केले. त्या वेळी त्याला क्रिकेट खेळत असल्याबद्दल धन्य वाटले. अशा प्रकारे क्रिकेटचे बीज उगवले आणि पुढे तो भारतीय संघातील नामवंत खेळाडू झाला.