Chapter: Metallurgy· Science & Technology Part 1
- आयनिक संयुगे विरुद्ध प्रभाराच्या आयनांपासून बनलेली असून ते आयन प्रबल स्थितिक विद्युत आकर्षण बलाने बांधलेले असतात; त्यामुळे ही संयुगे स्थायुरूप, कठीण व ठिसूळ असतात.
- आयनांमधील प्रबल बल तोडण्यासाठी खूप ऊर्जा लागते, म्हणून आयनिक संयुगांचे द्रवणांक व उत्कलनांक उच्च असतात.
- स्थायू अवस्थेत आयन हलू शकत नसल्याने ती वीज वाहून नेत नाहीत; पण वितळलेल्या अवस्थेत किंवा पाण्यातील द्रावणात आयन मुक्त होत असल्याने ती विद्युत सुवाहक असतात.
- आयनिक संयुगे साधारणपणे पाण्यात विद्राव्य असतात, पण केरोसीन, पेट्रोल यांसारख्या कार्बनी द्रावकांत अविद्राव्य असतात.